Општина Штип започна со подготовките на теренот каде што треба да биде изграден нов пешачки мостшто ќе ги поврзува населбата Стар конак и Исарот.
Средствата за изградбата на мостот се донација на градежната фирма „Актива“ од Штип, а таа ќе биде задолжена и за неговата изведба.
Мостот ќе биде во форма на лак со должина од 18 метри и ширина од 3,3 метри.
Причината за изградбата на мостот е големата фреквенција на автомобили по булеварот „Гоце Делчев“, поради што во повеќе наврати беше доведена во прашање безбедноста на граѓаните.
Со изградбата на мостот ќе се обезбеди поголема безбедност на пешаците во овој дел од градот.
Мостот ќе биде пуштен во употреба на 2. август.
М.Р.