Градоначалникот на општина Центар, Андреј Жерновски, при денешниот увид констатираше сериозни недостатоци во изведбата и проектот на изградбата на спортската сала „Гоце Делчев”.
Поради несоодветната хидро-изолација во објектот, кој е во изградба, има пропуштање на подземни води.
Поради ова ќе мора да се преземат дополнителни посериозни зафати за санирање на состојбата. Ќе се утврдува и кој го направил пропустот, поради што е предизвикана сериозна штета.
Трошоците ќе паднат на товар на оној поради чиј пропуст или несовесно работење е предизвикана штетата.
Во салата не е предвиден ниту систем на вентилација, кој ќе треба дополнително да се вградува, што ќе предизвика дополнителни трошоци.
Констатирани се и други пропусти.
Градоначалникот Андреј Жерновски, инсистира да се завршат сите работи во предвидената динамика и спортската сала да биде ставена во функција со почетокот на новата учебна година.