По обилните врнежи од дожд во Скопје, реката Вардар се излеа од коритото на повеќе места.
Фотографиите кои кружат на социјалните мрежи покажуваат дека Вардар е излеан спроти МНТ, кај Скејт паркот и кај Влада.
Од УХМР известуваат дека изминативе 24 часа врнежите од дожд ги зголемија водостоите на сите водотеци во земјата, а особено покачување се бележи на водотеците од западниот дел на земјата.
Според податоците од терен најголеми промени на водостојот се бележат на река Радика-Бошков Мост, река Сатеска – Ботун и река Вардар – Јегуновце.
Според најавата на УХМР не очекуваат и понатака обилни врнежи од дожд, па соодветно на тоа на територијата на Република Македонија ќе продолжи покачувањето на водостоите на сите водотеци. Најголеми покачувања се очекуваат во западните и југозападните делови од државата, северните, а во текот на наредните 24 часа и на останатиот дел од државата.
Поради високите водостои на одредени критични места можна е појава на излевање на реките Радика, Црн Дрим, Сатеска, Вардар – горен тек, како и нивните притоки. Поради тоа, Центарот за управување со кризи предупредува на внимателно движење покрај водотеците и суводолиците.