„Во декември 2012 година Никола Груевски постави камен темелник на технолошко-индустриска зона во Гевгелија, локалитет Прдејци, со површина од 50 хектари.
Денеска, цели три години подоцна, ТИРЗ Гевгелија, локалитет Прдејци е само празна ливада. За три години во оваа зона не се изгради ништо а не се отвори ниту едно работно место.
Тоа се виртуелните инвестиции на Никола Груевски коишто никогаш не се реализираа.
Никола Груевски во овие слободни индустриски зони ветуваше влез на многу копании:
Како Аџаи груп од Индија за којашто Груевски виртуелно ветуваше дека ќе граделе и хотели.
Или Бен Дор фирма од Израел за којашто Груевски вети дека ќе изгради погодн за овошје и ќе произведува 10 илјади тони годишно.
Наместо отворање на фабрики, нови вработувања, производство и реализација на проекти, виртуелните инвестиции на Никола Груевски се само запуштени ливади со нула нови работни места.
Тоа е вистинското лажно лице на Груевски што граѓаните многу добро го знаат. Груевски мисли само на бизнис интересот на фамилијата, на провизиите, парцелите на Водно, мерцедесот од 600 илјади евра, очилата од 60 илјади долари…
Корупцијата во врвот на власта во изминатите години изеде безброј работни места“, се вели во соопштението на СДСМ.