Социјалдемократскиот сојуз на Македонија го осудува поставувањето на билбордот на кандидатот на Српска напредна странка Стевчо Јакимовски, во училишниот двор на ОУ „Вера Циривири Трена“, во Карпош 2.
Според СДСМ, оваа постапка на Јакимовски, е спротивно не само на законските прописи, туку и на моралните кодекси и „го продолжува својот пад кон дното“.
„По реакциите на родителите дека во училиштата на децата им се делат постери на кандидатот на Српска напредна странка и по инцидентот со поставување билборд среде училиштен двор, СДСМ бара од наставниците во Карпош да ги заштитат децата од политичката злоупотреба која ја прави овој „отпораш на батерии“ изгубен во својата болна амбиција да ја задржи фотелјата по секоја цена, предизвикувајќи штетни последици на психолошкиот развој на децата“, реагира СДСМ.
