Општина Центар комплетно ја реконструира улицата „Јоаким Крчовски“ на Кале. Се менува асфалтот и калдрмата.
„Жителите и амбасадата на Република Албанија, која е во непосредна близина, се жалеа на оштетувањата на улицата.
Имаше недостаток на површински слој, откинување на асфалтот, со што видливи беа ударни дупки на површината и површина со оголени зрна. Градоначалникот на општина Центар, Андреј Жерновски, денеска, заедно со жителите, надгледуваа како се одвива реконструкцијата, која треба да заврши во петок“, велат од Општина Центар.
Улицата, во должина од 200 метри се реконструира по 15 години.
