Интензитетот на отпорот сé повеќе се зголемува. Евидентно е дека покрај масовните каравани, протести и блокади низ градовите ширум Македонија активностите се зголемени и на теренот,помеѓу граѓаните.
Вчеравечер, Јани Макрадули го посети селото Шишево во општина Сарај. На средба со жителите се зборуваше за актуелната политичка криза, соживотот и тешката живеачка на граѓаните. Посебен акцент беше ставен на инфраструктурните проблеми со кои што се соочуваат жителите на ова населено место.
Едногласно, од сите етнички заедници е искажана поддршка на активностите за враќање на слободата и демократијата во Македонија и надминување на политичката криза преку предврeмени парламентарни избори.
Жителите посочија дека тешката живеачка и проблемите со кои се соочуваат немаат етничка боја. Тие побараа оживување на спортско-рекреативниот центар Сарај, кој е целосно замрен, и инвестирање во корисни објекти, како на пример каналот за наводнување, а не во тениски игралишта, за кои, згора на се мора да платат доколку сакаат да се рекреираат.
