Нема ништо случајно кога се вработувањата во прашање. Прво оди на Месен комитет, па во повисоките партиски органи на ВМРО-ДПМНЕ. И доколку сте лојален и исполнителен член на партијата може да добиете и работа, независно дали за тоа место имало и постручни и пообразовани. Важно е кој го има адутот во рака, а тоа е партиската книшка.
На страната на Месниот комитет на ВМРО-ДПМНЕ, Маџари, јасно стои, што и како се бара како кадар.
Членовите треба редовно да ја следат страницата на Агенцијата за државни службеници и заинтересираните партиски членови да се јават во Комитетот.
Во известувањето до членството стои дека за кадровските прашања мора да знае претседателот на Месниот партиски комитет, и без негов потпис и без потпис од Претседателството, нема работа.Тоа велат, било според Статутот на партијата.
Со свое присуство ги почестила и министерката за внатрешни работи Гордана Јанкуловска. Еве какви се впечатоците од посетата.
„Денес во ОК беше министерката Гордана. Разговаравме за разни прашања, кадровски, општествени, политички. Смирен и релаксиран состанок благодарение на министерката која беше позитивна, смирена, со благ насмев, ни објаснуваше и ни одговараше на нашите прашања“, стои на страната.