Група граѓани, со знамиња, транспаренти и патриотски обележја вечерва се упатија кон црквата Свети Спас и на гробот на Гоце Делчев, каде утре ќе се одржи одбележување на денот на кој е роден македонскиот револуционер.
Групата од стотина луѓе велат дека одат да чуваат таканаречена „ноќна стража“ пред црквата, сепак не успеаа да стасаат до црквата. Беа сопрени каде што е поставен полициски кордон кој го обезбедува околниот простор.
Сепак собраните граѓани најавуваат дека таму ќе ја минат ноќта. Дел од нив најавија дека во текот на вечерта ќе го блокираат и целиот мост „Гоце Делчев“, во знак на протест поради тоа што им е попречено движењето и не ги пуштаат да стигнат до црквата Свети Спас.