По 60 години жителите на зградите бр. 85 и бр. 87 на бул. Илинден добија нови, обновени фасади со термичка изолација.
Задржан е првобитниот лик на зградата, освежен со нови бои. Изгледот е направен во договор со станарите на зградите.
Двете нови фасади кои што ги изведе “Пелагонија“ чинат по околу 3.5 милиони денари од фасада.
Секоја фасада се прилагоди на архитектурата на зградата и желбите на станарите.
Овие 2 фасади се дел од композицијата од 6 згради, од кои секоја нова фасада ќе се разликува во еден гест, со пермутација на бои.
Општина Центар со ова го продолжува проектот за обновени енерегетско ефикасни фасади со кои заштедите на сметките за топлинска енергија ќе бидат намалени за една третина.
На јавниот повик од општина Центар минатата година се пријавија 32 колективни станбени згради кои имаа обезбедено прелиминарна согласност за промена на прозорците и балконските врати од најмалку 70% од станарите.