Вистинската битка за слободна Македонија ќе почне по изборите, рече претседателскиот кандидат на СДСМ Стево Пендаровски пред жителите на Аеродром, кој ги повика граѓаните да излезат на гласање и да ги убедат неопределените да излезат на гласање.
– Моја, ваша, наша заедничка задача е да работиме со тие луѓе да ги убедиме дека мора да излезат бидејќи не се обични избори.
– Дилемата не е дали ќе биде еден или друг во фотелја, дилемата е дали Македонија ќе продолжи по овој пат, нагласи Пендаровски.
Лидерот на СДСМ Зоран Заев рече дека неговата партија по победата на изборите нема да се одмаздува и да спроведува политички реваншизам.
– Ние нема да спроведуваме политички реваншизам кон недолжните граѓани, подвлече Заев.
Носителот на листата на СДСМ во ИЕ 1 Рената Дескоска обвини дека државата парите ги става пред здравјето на граѓаните и оти проектите се разидуваат со нивните реални потреби.
Доколку СДСМ ја добие довербата од граѓаните, ветија дека во фокусот на нивното владеење ќе биде и ревидирање на Законот за извршна постапка, 40 отсто поголема социјална помош, нови работни места и враќање на евтината струја.
