Денеска Општина Центар го отвори Клубот на пензионери „Капиштец“.
Во секој слободен момент повозрасните граѓани од Општина Центар ќе имаат пријатно катче за собирање, дружење, играње табла, шах и домино.
Општина Центар почнува од Капиштец, а вакви клубови ќе бидат отворени на целата територија на Центар.
„Ова е од денеска Ваше место. Ова е начин да се оддолжиме барем малку на оние кои што не подигнуваа и се грижеа за нас. Ова ја покажува нашата вистинска грижа за нашите повозрасни жители“, рече градоначалникот на Општина Центар, Андреј Жерновски.
Советникот Цветанка Симоновска појасни дека 50% од жителите на Капиштец се повозрасни лица. Има потреба, посочи, од вакви простории за задоволување на потребите на граѓаните.
„Го реализираме ветувањето. Граѓанинот е над се и правиме напори да ги задоволиме потребите на секој поединец“, рече советничката Симоновска.
Општина Центар го направи Клубот на пензионери со свои средства и ќе се грижи за негово одржување и уредување.