Од денеска започна реконструкцијата на постоечката улична мрежа на улицата „Јоаким Крчовски“.
Всушност, се поставува нова улица долга 190 метри, во која ќе се вградат 1.300 метри кубни асфалт, 230 метри ивичњаци и 130 метри квадратни бехатон.
Жителите од овој дел реагираа на неуредените тротоари, големите ударни дупки и водата која што се слеваше од потпорниот ѕид.
Жителите се жалеа бидејќи дупките ги уништуваа нивните возила, а по тротоарите тешко се движеа и како пешаци.
Улицата „Јоаким Крчовски“ се реконструира со средства од буџетот на општина Центар.