Во текот на вчерашниот ден мобилни екипи од општина Центар бесплатно делеа флаширана вода на граѓаните кои што решиле своето слободно време да го поминат рекреирајќи се покрај Кејот на реката Вардар.
На пешачката патека во близина на паркот на Франкофонијата беше поставен пункт, каде што вработените од општина Центар од 18 до 21 часот преку оваа акција ги освежија рекративците со обична и минерална вода, а сето тоа беше пропратено во добра музичка атмосфера.
Акцијата под мотото „Општина Центар ги освежува рекреативците“ имаше за цел да придонесе спортистите и рекреативците да го внесат неопходното количество на течности, потребно за летниот период. И во иднина општината ќе продолжи да организира вакви и слични настани за граѓаните на Центар.
