Денеска, општина Центар ја започна комплетната рекоснтрукција на улицата „Новопроектирана 4“.
„Почнува изградбата на нова канализација по сите утврдени стандарди. Ќе се става ново улично осветлување и улицата, заедно со тротоарите, ќе биде целосно асфалтирана.
Со ова се решава горливиот проблем на жителите од Тасино Чешмиче, кои се жалеа дека од зградите кои не беа поврзани со канализација, при секој дожд течеа фекалии во долните куќи од улицата „Христо Чернопеев“, велат од Општина Центар.
Минатата година, службите на општина Центар извршија дератизација и дезинфекција поради појава на глодари и разни инсекти и штетници во домовите, но проблемот со ова не беше решен.
„По овој потфат, ќе се прават трите потпорни ѕидови на улицата „Христо Чернопеев“. Потпорниот ѕид кај градинката Кочо Рацин општината веќе започна да го гради“, соопштуваат од Општина Центар.
