Објектот на ул. Битпазарска бр. 81 на влезот во Старата скопска чаршија, споменик на културата изграден меѓу двете светски војни, доби нова фасада преку проектот на Министерството за култура за обнова и конзервација на надворешноста на објекти во градските јадра низ Македонија.
Минатиот месец беше промовирана првата фасада од проектот – на куќа – споменик на културата во Крушево, а до крајот на годинава според планот треба да бидат готови и новите фасади на куќата на Бектешовци во Прилеп, поранешниот Англиски конзулат во Битола и куќа на Бојаџиеви во Охрид. За санацијата на петте објекти Министерството за култура намени околу 11.200.000 денари.
За објектот во Старата чаршија обновата на надворешноста чинеше 2.100.000 денари. Има приземје и кат, каде што од 1990 година работи дуќан за текстил.
