Општина Центар ги започна работите на скверот Буњаковец, мал плоштад спроти аптеката Зегин. Тоа беше слеп агол, неуреден простор на површина од 1 100м2. Скверот ќе овозможи повторно проток од улицата Ѓуро Ѓаковиќ, сега преимнеувана во Мирослав Крлежа кон блоковите во некогашниот правец покрај ресторанот Кај Маршалот се до Домот на Градежници.
Дел од материјализацијата на скверот ќе биде и обезбедување на паркинг простор за жителите на околните објекти.
Проектот ќе чини околу два и пол милиони денари.
Целиот простор е произлезен од кружница па таква ќе биде и урбаната опрема, во цилиндричен облик: клупите ќе имаат кружен облик со три различни димензии за еден, тројца и петмина луѓе, кои ние ги нарекуваме клупи за различни социјални групи. Светилките се современи и минималистички со штедлива енергија, а останатото осветлување ќе биде амбиентално.
Скверот ќе има и зеленило сконцентрирано во две точки како мали концентрирани шуми со бујни дрвја. Партерот ќе биде изработен од вештачки гранит, а урбаната опрема е стандардна, што значи 2К-клупа и канта за отпадоци. Ќе бидат поставени и столбчиња за регулирање на сообраќај.
До сега ова беше необезбеден див паркинг за таксисти.