Наместо земја и кал, по кои газеа граѓаните, општина Центар го изгради коловозот и тротоарот на крак на улицата Славејко Арсов.
Вредноста на зафатот е 3.000.000 денари и тоа се средства од буџетот на општина Центар.
Должината на улицата е 100 м, а површината е 800 м2.
Поставен е нов асвалт во 2 слоја и тротоар од бехатон плочки. Направена е и нова линија за осветлување.
Оваа улица досега не беше проодна, а сега е воспоставена врска со последната автобуска станица.
Изведувач на проектот е Пелагонија АД – Гостивар.
Со ова, општина Центар одговори на барањата на жителите од улицата и на една амбасада која се наоѓа на улицата.