Жители од Пештани за А1 информираат дека преку граничниот премин Свети Наум од соседна Албанија се носеле оранизирано луѓе од соседните албански градови на гласање во Охрид. Велат дека само само досега поминале 15 комбиња и 3 големи автобуси.Велат дека во комбињата имало меѓу 16и 20 луѓе, додека во автобусите имало и по 50 луѓе.
Во меѓувреме велат дека поради тоа што ги сликале неколку полициски службеници ги легитимирале граѓаните и барале лични карти затоа што ги снимале и сликале комбињата и автобусите кои поминувале.
Комбињата и автобусите застануваат кај спортската сала Биљанини извори. Портапролот на СВР Охрид, Стефан Димовски вели дека нема информации за автобуси со граѓани од Албанија.Негира дека нивни полициски службеници легитимирале во селото Пештани.
„Согласно изборниот законик и правниот законик ние имаме соодветна поставеност на секое гласачко место. На сите полициски службеници пред изборниот период им е извршена обука како да постапуваат во случај на ситуации во и околу изборните места кога треба да интервенираат и кои се нивните права и обврски.
– Никакво легитимирање надвор од овие прописи не се случува на ниту едно место и ниту еден полициски службеник нема преземено несоодветни мерки.За сега нема пријави за несоодветни однесувања било од полициски службеници било од граѓани“ рече Димовски.
