Кандидатот за градоначалник на Сојузот за иднината за општина Ѓорче Петров, Александар Наумоски вчера во пријателска атмосфера одигра ракометен натпревар од страна на екипата од втора лига РК Ѓорче Петров 64 против тимот на Ринија.
Мечот кој воедно значеше и промоција на еден од спортовите што своевремено го одбележаа Ѓорче Петров и го издигнаа на европскиот пиедестал беше доказ дека Наумоски силно се залага за враќање на спортот во општината, што впрочем е и еден од приоритетите на неговиот тим.
Поранешниот пикер, а сегашен борец за повторно оживување на спортските терени кои некогаш беа собиралиште на кое се оставаше срцето, јасно и децидно во неговата програма истакна дека ако ја добие довербата на ѓорчепетровци ќе ги оживее одамна замрените ракометни клубови, фудбалскиот клуб, салата Партизан и се она што до пред десетина години беше гордост на Ѓорче Петров.
