Во близина на избирачките места што се наоѓаат во градинката „Поток“ во истоимената населба во Тетово, стои изборен штаб на една политичка партија, промотивен материјал од истата партија, како и од уште една.
Според Изборниот законик, на 100 метри од избрачките места не смее да има никаков промотивен материјал од подносителите на листи или од кандидатите за советници или градоначалници.
Истиот случај е со билбордот со кандидат за градоначалник на Општина Тетово и транспарент, коо се наоѓаат во непосредна близина на избирачко место што се наоѓа во Државното средно музичко училиште во Тетово.