На дрвјата низ Скопје им никнуваат очи, ококрени и во страв дали им се приближува сечата на зеленило низ градскиот центар. Во неколку зелени крошни покрај булеварот „Партизански одреди“ од денес може да се забележи дека дрвјата ѕиркаат.
Граѓаните кои се грижат за зеленилото велат дека им израснале од страв да не ги исечат и за да се пазат сами.
Оваа хумористична акција треба да ги освести градските власти од штетните последици по уништувањето на зеленилото во Центар, откако Град Скопје дозволи сечата на дрвја да се прошири на повеќе локации и да уништи неколку паркови.
