Камерите на Министерството за внатрешни работи и денеска ги снимаа демонстрантите кои фрлаа боја кон Собранието.
Еден од „камерманите“ од дворот на Собранието со камера директно ги снимаше во лице демонстрантите.
Инцидент со еден од „камерманите“ се случи пред една недела, кога тој ги снимаше демонстрантите, новинарите и камерманите пред МРТ. Кога новинарите го прашаа за што снима, тој кажа дека снима за себе, а потоа ги препродава снимките на познати телевизии.
Камери од МВР на протестот се појавија веднаш откако заменик министерот за внатрешни работи, Митко Чавков кажа дека ќе ги снима демонстрантите кои ги бојат институциите.