Министерот за земјоделство, Љупчо Димовски, и министерот за транспорт и врски, Миле Јанакиески, денеска во посета на Битола, заедно со градоначалникот Владимир Талески, промовираа неколку проекти во соработка со Општина Битола.
Најпрво актуелниот градоначалник заедно со министерот Миле Јанакиески на битолчани им ветија реконструкција на 100 улици низ Битола на само неколку дена од локалните избори.
А, потоа, Талески заедно со министерот за земјоделство промовира нацрт-план за откупни пунктови за земјоделски производи во заедничка соработка на Општината и државата.
Промовираа нацрт-план за откупни пунктови, каде што би привлекле нови инвеститори, кои би отвориле нови работни места во Битола.
Според препораките на ОДИХР министрите не треба да бидат дел од кампањата за локалните избори. Сепак, тие препораки не се почитуваат.
Во текот на наредните денови најавени се посети и на некој други министри од Владата на Р. Македонија во Битола.