Кандидатот за градоначалник на Скопје од Сојузот за иднината, Јани Макрадули, вечерва го промовираше проектот „Скопје – паметен град“.
Во овој проект се вклучени голем број на градови ширум светот. Оние градови кои се здобиваат со титулата „паметен град“ поседуваат барем еден од критериумите кои се наведени како предуслови за достигнување на одредено ниво.
Сепак, она што ги прави различни од обичните развиени градови е во тоа што кај нив развојот не е само на полето на инфраструктурата, туку и во начинот на функционирање и комуникација со жителите со што им се овозможува да учествуваат во локалната самоуправа и да влијаат на напредокот на градот.
Областите во кои овие градови тежнеат да се развиваат се економијата, мобилноста, животната средина и така натаму.