По извршениот увид од крим техника во барака 6. во општина Центар, констатирано е дека крадците влегле преку прозорецот и вратата код салата за состаноци која била обиена.
Тие го искорнале прожекторот во салата, а изнесен е и апаратот за снимање од салата за состаноци на Советот. Крадците успеале да изнесат и три монитори и еден компјутер од одделението за човекови ресурси и делови од компјутерска опрема.
Обиена е фиоката со општинските печати кои се со овластување, но биле оставени. Точно што имало во торбата-ранец со кој побегнале се уште не е познато.
-Би сакал да биде обичен грабеж, но сето ова остава простор за сериозно сомневање дали се работи за обичен грабеж. Интересно е дека од сите општини само во општина Центар се случуваат вакви работи, рече градоначалникот на општина Центар, Андреј Жерновски.
Сторителите, кои се дале во бегство откако дошло лицето од обезбедување на општината, оставиле се што сакале да однесат пред бараката. Се претпоставува дека се работи за две лица. Крим техника ги откри и нивните отпечатоци. Има отисоци и од прсти и од стапалки од нозе.
Општина Центар до петок треба да достави записник за утврдената штета.
