Сообраќајот во скопската населба Ѓорче Петров утринава се одвива отежнато заради превртен камион на кружниот тек кај „СП Планет“.
Сообраќајната несреќа се случила околу пет часот изутрина кога камионот полн со „Туборг“ пиво изгубил контрола при обид да го мине кружниот тек поради влажниот коловоз.
Полицијата го блокираше сообраќајот на кружниот тек и ги пренасочува возилата по локалните улици додека пивото натоварено во камионот се пренесува во друг камион со цел превртеното возило да се отстрани од коловозот и да се овозможи нормален сообраќај.
ФОТО: МИА