Калдрма од природен камен, 25 нови дрвја, нова атмосферска канализација, канделабри и урбана опрема – ова е новиот изглед на улицата „Ѓорѓи Пешков“.
Едно од ветувањата од изборната програма на градоначалникот на општина Центар Андреј Жерновски веќе се реализира. При крајот на месецот, жителите на овој дел во Центар ќе можат да уживаат во пешачката патеката, дрвјата и новите клупи,соопштуваат од општината.
Атмосферската канализација се мести со обратен пад за да се надмине долгогодишниот проблем со собирање вода при врнежите.
Жителите на овој дел на Центар заинтересирано денеска набљудуваа како се садат новите дрвја.
Сопствениците на локалите, познати во Скопје, со нетрпение очекуваат да се пушти во употреба улицата „Ѓорѓи Пешков“.
