Многу наталожени проблеми во урбанизмот, легализацијата, фасадите, паркингот. Градоначалникот на општина Центар со соработниците на вториот „Отворен ден со граѓаните“ ги сослуша нивните маки и проблеми и разговараа за изнаоѓање можни решенија.
Жителите се пожалија на узурпирано земјиште, хотел изграден на несоодветно место и кој им го нарушува мирот.Поранешни вработени од „Треска“ се оставени 9 години без регулиран стаж и 24 месеци имаат заостанати плати. Единствената надеж ја гледаат на огромниот плац на Треска, со чија продажба можат да си ги добијат своите пари и права. Прашаа дали општината има некаква надлежност.
„Како слугата Јернеј талкаме по нашето право“, велат огорчените поранешни вработени на „Треска“.
Со се што е во рамките на законите и надлежностите, градоначалникот Жерновски и соработниците ќе им излезат во пресрет на граѓаните.
