Општина Центар ја искоси тревата, го извади плевелот и го расчисти шутот од градежни материјали и стар намештај на целата своја територија.
Комплетно се обработени месностите Водно, Зелен Пазар, Пролет, Крњево, Капиштец, Дебар Маало, Буњаковец и територијата околу универзалната сала.
Општина Центар на барање и на инсистирање на граѓаните исчисти делови кои што не се под нејзина територијална надлежност.
Поради опасноста од пожари, превентивно е исечена и високата и сува трева во и околу населбата Крњево.
Извршено е и кроење на грмушките и дрвјата. Ќе започне и обработката и подготвителните работи за садење на сезонски цвеќиња.
Општина Центар веднаш реагира на укажувањата на граѓаните за формирањето на каков било вид дива депонија.
