Граѓани од цела Македонија со организиран превоз пристигнаа во Скопје за европскиот марш.
Со транспаренти „За европска Македонија“, организирано во групи се упатија кон збирното место Црвениот крст.
Организаторите од сите градови им поделија и маички на оние кои ќе маршираат до ЕУ инфо центарот. На „Партизанска“ има повеќе од 100 автобуси со кои дојдоа поддржувачите на Коалицијата „Заедно за европска Македонија“.
Дел од рекламниот материјал за кампањата се запалки, пенкала и беџови. Сообраќајот и паркирањето е контролирано од МВР.
Кампањата „За европска Македонија“ започна пред десетина дена. Поддрувачите на коалицијата „Заедно за европска Македонија“ носат македонски и знамиња на Европската унија, а ги има од сите градови.
Кристијан Ландов