По поплаки на граѓаните од општина Центар за хаосот во и околу градилиштата во општината, за разнесен шут и за неоградени површини, градоначалникот Андреј Жерновски издаде налог до градежната инспекција да се средат градилиштата кои се во општината.
Во акцијата која беше преземена во Дебар Маало и во Буњаковец, резултатите се веќе евидентни.
Оградени се и исчистени градилиштата и се поставени табли со неопходните информации.
Овластениот градежен инспектор, доколку во рок од 7 дена од инспекцијата, не се средат градилиштата, ќе издаде решение за нивно затворање во рок од 20 дена.
По наредба на градоначалникот Жерновски, градежната инспекција континуирано ќе ја следи состојбата на сите градилишта во општина Центар.
Сите оние кои нема да се придржуваат до наредбите од инспекцијата за уредување на градилиштата, ќе бидат затворани а инвеститорите ќе бидат казнети согласно законот.
