Спектакуларниот огномет вечерва имаа можност да видат сите кои беа на плоштадот Македонија во Скопје, кој беше дел од деветтата по ред манифестацијата „Бела ноќ 2013“.
Манифестацијата започна вчера вечер во 20.30 часот со отворање на изложбата на ремек дела од македонската современа уметност насловена „Уметникот и диктатурата“ во Музејот на Град Скопје, a главниот спектакл се случи на плоштадот Македонија каде светската атракција Commandos Percu одржа музичко – пиротехничко шоу, насловено „Bombs pet minute“.
Целата манифестацијата беше збогатена со музика, филм, поезија, модерна уметност, мода. Во целата Стара скопска чаршија се случуваа повеќе настани, концерти пред Стоковна куќа – МОСТ, изложба во Галерија 8, а во киното „Милениум“ и киното „Фросина“ се прикажуваа бесплатни филмски маратони кои ги вклучуваат најактуелните филмски мега хитови, како и најдобрите европски остварувања.
Манифестацијата е во организација на Младинскиот културен центар-Скопје, а под покровителство на Град Скопје.
ФОТО: Нова Македонија