Ноќеска, засега непознати вандали и насилници демолирале четири изборни штаба на Андреј Жерновски, кандидатот за градоначалник на Центар од „Сојузот за иднината“.
Искршени се прозорите и уништени се постерите во централниот изборен штаб во близина на Клубот на пратениците, во Дебар Маало, демолиран е и штабот во Капиштец и во Маџир Маало.
Жерновски случајот го пријавил во полиција. Вели ова е дело на “позитивната” кампања на Груевски и Тодоровиќ
„Вака денес изгледа мојот штаб. Вака денес изгледа Центар, вака денес изгледа Македонија“, вели Жерновски.
„САКАТЕ ДА НЕ’ УПЛАШИТЕ ?!? Па зарем не разбирате дека ова, всушност, зборува за ВАШИОТ СТРАВ ?“, прашува Жерновски.
