Делегација на Социјалдемократскиот сојуз на Република Македонија предводена од претседателот на СДСМ, Зоран Заев, денес по повод големиот државен празник, 8-ми септември, Денот на Независноста на Република Македонија положи свежо цвеќе на гробот на првиот Претседател на државата, Киро Глигоров и оддаде почит за неговата голема заслуга за достојна суверена и независна Република Македонија.
Потоа делегацијата на СДСМ предводена од претседателот Заев во истиот состав учествуваше во државното одбележување на 8-ми септември.
Претседателот на СДСМ, Зоран Заев, генералниот секретар, Оливер Спасовски, потпретседателката, Фросина Ременски и координаторката на Клуб на жени, Цветанка Ласкова положија свежо свеќе и оддадоа почит пред Споменикот на паднатите херои за Македонија во паркот Жена борец.
