Делегација на СДСМ составена од генералниот секретар Оливер Спасовски и организацискиот секретар Миле Зечевиќ на покана од Демократската Партија на Србија, присуствуваше на Конгресот на партијата што се одржа во Сава Центарот во Белград.
На Конгресот како нов претседател беше избран Бојан Пајтиќ, досегашниот заменик претседател на Демократска партија и долгогодишен покраински лидер.
Спасовски и Зечевиќ, во име на Социјалдемократскиот сојуз на Македонија, упатија честитки на новоизбраниот претседател на сестринската партија во Србија, ДС.
Изразена е заедничка заложба за продлабочување на соработката помеѓу двете партии во интерес на евроинтеграциските процеси на Македонија и Србија и стабилен регионален развој.
