Стотина граѓани вечерва протестираат пред Кривичниот суд кој одлучува по притворите кои ги побара Специјалното јавно обвинителство. На протестот за кој граѓаните велат дека е спонтан, може да се видат партиски членови на ВМРО-ДПМНЕ и нивни пратеници.
Насобраните граѓани не кажуваат дали е ова притисок врз судот кој треба да одлучи дали ќе одреди мерка притвор за Никола Груевски, Миле Јанакиески, Гордана Јанкулоска, Мартин Протогер, Сашо Мијалков, Драган Павловиќ Латас, Елизабета Канческа – Милевска и уште неколку поранешни функционери на ВМРО-ДПМНЕ.
