Службените возила на Општина Центар денеска беа злоупотребени за партиски цели или за кампањата на кандидатот за градоначалник, Владимир Тодоровиќ, објави порталот Centarnews.net.
На фотографија се гледа паркигот на општината. Денеска е недела, неработен ден, а паркингот е празен , без ниту едно службено возило.
Тимот на Centarnews.net забележа дека возилата се користат за партиски активности. На денешната средба на Тодоровиќ со жителите на Кале, дел од присутните беа донесени со службените возила на Оштина Центар , и беа паркирани во непосредна близина, на улица „Самоилова“.
„Ваква злоупотреба за партиски активности со службените возила на Општина Центар е недозволено и крајно безобразно. Тодоровиќ како кандидат за градоначалник со службени возила ја води кампањата во Центар“, пишува порталот.
