Општина Центар во текот на минатите денови изврши преместување и повторно садење на садниците од локацијата до хотелот „Бристол“, која што се наоѓа во градежен опфат на аголот на улица „Македонија“ и улица „Мито Хаџивасилев Јасмин“.
Имено, на локацијата беа посадени 8 јавори и 1 зимзелен садник, кои што по оградувањето и започнувањето на градежните работи беа извадени и им претеше сушење доколку не се пресадат.
Општина Центар со своите работници за јавни работи и екипа од ЈП „Паркови и зеленило“ ги засади садниците на локација веднаш до парцелата, во тревниците околу кулата 26, на задоволство на граѓаните.
Исто така, од локацијата беа извадени и 10 декоративни зимзелени грмушки, садени од Општината, кои што повторно беа засадени во алпинетумот во тревната површина во близина на локацијата.
