Седум дрвја вечерва донираше и засади општина Центар на местото каде што пред два дена со асистенција на полицијата беше извршена сеча на неколку децениските дрвја, поради изградба на новата зграда на Советот за радиодифузија.
Ова вели градоначалникот на општина Центар Андреј Жерновски е да се покаже дека колку и да сече власта, граѓаните можат уште повеќе да садат нови дрвја.
На протестот на невладините организации се приклучија и станарите на околните згради, а најчесто поставувано прашање беше „каде е зелената Лилјана Поповска“?
На протестот беа и претставници од политички партии од опозицијата. Фросина Ременски од СДСМ, рече дека со ова дивеење и покажување на сил, власта ја покажува својата немоќ, зашто граѓаните ги сфаќаат погрешните политики.
Општина Цетар постави и клупи, а засадените дрвја се четири платони и три јавори. Едно зимзелено дрво донираа и го засадија жителите на Центар.
