Општина Центар од денеска започна акција за пополнување на ударните дупки на улиците и паркинзите кои што се под нејзина надлежност.
„Се работи и покрај студеното време и поради тоа на улиците се става ладен асфалт. Во континуитет се продолжува и од наредната недела, ќе се работи и на други оштетени улици во Центар.
Ова е по пријави и укажување на граѓаните, како и од увидот на стручните служби на општината“, велат од Центар.
„Дупките се настанати од временските услови и фрлената сол, која ги разјадува веќе оштетените површини.
Се работи на санирање на дупките на улиците: Ленинова, 9-ти Мај, Загребска, Партение Зографски, Славејко Арсов и Питу Гули.
Пополнувањето на овие улици ќе бидат завршени до крајот на викендот“, соопштуваат од Општина Центар.
