Изминативе два дена Прилеп беше домаќин на уличниот фестивал Баскер-фест. Ниту дождот не успеа да ги поколеба вљубениците во овој тип улични перформанси да излезат на улиците.
Прилепчани интерактивно учествуваа во незаборавната забава со претстави, пантомима перформанси, улични танчари, креативни активности што претставуваа сплет на културни, забавни и уметнички содржини.
Фестивалот беше збогатен со концертни настапи на „David Neskoski Тrio“ и „Star Boу“ од Нов Зеланд во саботата , а во неделата „Cross Road Blues“ и „Dirty side“ од Штип на камената бина на плоштадот „Александрија“. Гостуваа улични артисти што доаѓаат во Македонија од сите страни на светот.
Уличните фестивали се значајна културна атракција во многу земји, а Македонија на оваа листа се вклучува со првиот меѓународен и мултикултурен уличен фестивал кај нас, признат како најголем настан од ваков вид во регионот.
А.Ш.