Автомобил на Министерството за здравство во служба на предизборната кампања на кандидатот за градоначалник Илчо Захариев од ВМРО-ДПМНЕ?
Возило Ford Fiesta, со регистерски таблички SK-803-PE во повеќе наврати било забележано на места каде што кандидатот за градоначалник на Општина Штип од редовите на колицијата „За подобра Македонија“, предводена од ВМРО-ДПМНЕ, Илчо Захариев, вршел промоција на својата предизборна програма.
Илчо Захариев во моментов ја врши функцијата директор на Бирото за лекови, па се поставува прашањето дали ова возило е регистрирано на Министерството за здравство, односно е службено возило на кандидатот, кое се користи во неговата предизборна кампања?
На фотографија од партиска активноста на кандидатот за градоначалник Илчо Захариев, сликана во приградската населба Караорман, јасно се гледа автомобилот, а фотографијата е објавена и на Фејсбук-профилот на ВМРО-ДПМНЕ ОК ШТИП.