Oпштина Центар и МАНУ, утре ќе ја одбележат 95-годишнината од раѓањето и 15-годишнината од смртта на Славко Јаневски.
Академик Томе Серафимовски ќе и подари на општината седум скулптури: Славко Јаневски-портрет во бронза, Ѓорѓија Пулевски-портрет во бронза, Кирил Пејчиновиќ-Тетоец – фигура во бронза, Наим Фрашери – портрет во бронза, автопортрет – бронза, Партенија Зографски – фигура во бронза и Рака со книга – бронза.
Настанот ќе се одржи во Центарската читална што го носи името на писателот на првиот роман на македонски јазик и еден од најзначајните автори во современата македонска литература, Славко Јаневски.
Со ова читалната ќе стане и галерија.
Ќе бидат изложени и неколку слики од повеќето од 100 уметнички дела. кои Славко Јаневски ги остави зад себе.