Форумот на жени при Либерално-Демократската Партија ја поздравува и се придружува кон иницијативата за 40% учество на жената во политиката.
Иницијативата ја гледаме како одраз на потребата на македонското општество за споделување и развој на севкупните демократски стандарди на толеранција, јакнење на довербата и изградба на трајни вредносни системи.
Сакаме да потенцираме дека не постои одржлива демократија без реална партиципација на жените во граѓанските и политичките процеси.
ЛДП, како партија која отсекогаш се залагала за еднаквите можности, е убедена дека само со целосно реализирање на потенцијалот на жените може да се изгради здраво општество и уште еднаш, апелира до работната група за измена на Изборниот законик да ја поддржи оваа иницијатива.
