Мрежата на либералите на Југоисточна Европа (ЛИБСЕЕН) по повод 10-годишнината од нејзиното воспоставување, денеска во Скопје ќе се одржи форум на лидери, чиј домаќин е Либерално Демократската партија во Македонија.
Како што е најавено, на форумот ќе присуствуваат претседателот на Алијансата на Либералите и Демократите во Европа (АЛДЕ) Ханс ван Баален, претседателот на ЛИБСЕЕН Роман Јаќич, претседателот на Либерално демократската партија на Србија Чедомир Јовановиќ, поранешната премиерка на Словенија Аленка Братушек, како и други претставници од Европа.
На форумот од организаторите најавено е присуство на министерот за надворешни работи на Македонија Никола Димитров, заменик претседателот на владата на Македонија Бујар Османи, како и на претседателот на ЛДП во Македонија и пратеник Горан Милевски.
Тема на форумот ќе биде 10-годишната соработка на земјите од регионот и перспективите на либерализмот, како и забрзување на интегративните процеси на земјите од ЈИЕ во НАТО и ЕУ: приоритет, политика, имплементација, интеграција.
