Владата на Република Македонија на денешната седница ја разгледа и ја усвои информацијата за степенот на имплементација на реформските мерки во областа на енергетиката, и донесе одлука за Формирање работна група за реализација и следење на активностите од меките мерки за електрична енергија.
Во Работната група, како што информираат од владината прес-служба, ќе има претставници од Канцеларијата на претседателот на Владата, Кабинетот на заменикот на претседателот на Владата задолжен за економски прашања и координација со економските ресори, Кабинетот на заменикот на претседателот на Владата задолжен за европски прашања, Министерство за економија, Министерство за финансии, Регулаторна комисија за енергетика, АД МЕПСО, АД ЕЛЕМ и Комисија за заштита на конкуренција.