Во просториите на Либерално-демократската партија, вчера, се одржа првата, конститутивна седница на Советот за здравство на ЛДП.
„Во Советот членуваат еминентни професори, магистри и доктори на науки, субспецијалисти, специјалисти и други експерти од повеќе области на здравството.
Исто така, на седницата е разгледана актуелната состојба во здравството.
Во иднина, Советот ќе дава инцијативи од областа на здравството, активно ќе се вклучи со предлози и проекти во изработката на програмата на ЛДП, во делот за здравството, а воедно ќе обезбедува стручна поддршка на пратенците на ЛДП во Собранието на Република Македонија.
За претседател на Советот е избран професор Д-р Никола Пановски.
На седницата, како гости, присуствуваа и претседателот на партијата, Горан Милевски и потпретседателот, Зоран Шапуриќ“, се вели во писменото соопштение на ЛДП.