Над 22 организации што беа предмет на сериозен институционален притисок од декември 2016 до мај-јуни 2017 година се уште немаат официјална информација дека предистражната постапка е запрена заради тоа што не се најдени никакви прекршувања на законите, изјави денеска извршната директорка на Фондацијата „Отворено општество“ Македонија Фани Каранфиловска Пановска.
– Многу ми е драго што слушнавме изјава на министерот за внатрешни работи дека истрагите кон граѓанските организации се затворени и не се најдени никакви криминални дејанија. Таа вест е одлична, но сакам да кажам дека ние како организации, над 22 што беа предмет на сериозен институционален притисок од декември 2016 до мај-јуни 2017 година немаме се уште никаков официјален одговор од страна на Основното јавно обвинителство од каде беше покрената оваа иницијатива и под чиј што налог беа пристуни во нашите канцеларии, изјави Каранфиловска Пановска.