Две лица физички нападнале вработена во трафика во Велес, сакајќи да ја ограбат.
Настанот се случил синоќа околу 22:35 часот во трафиката „Леди Ди Трејд“ на улицата „Благој Ѓорев“ кога двете лица влегле во трафиката и и се заканиле на 51-годишната Т.П.
Едното лице со раката и ја затнал устата, а со другата рака неколку пати ја удрил во лицето и телото, додека другото лице ги пребарувало фиоките од пултот.
Откако виделе дека нема пари во фиоките, излегле од трафиката и се упатиле во непознат правец.
Увид на лице место извршила увидна екипа на СВР-Велес. Се преземаат мерки за пронаоѓање на сторителите и целосно расчистување на случајот.